هلوسة درامية!

سندس : أمم
غديـر : ......؟ =)
سندس : متى يكون صح انو الواحد مايقول الي عندو ؟
ولو كان مستعد انو يقولوا!
لكن ..
طلع انو الشخص التاني موقفوا ,حاجة تانية
ولو اتكلمت ,حيكون شكلي شوية درامي أو مرضي
أو نكدي! بالأحسن
ليش أنا درامية؟
وأكبر كل شي؟
ليش ؟
ليش لمن أنفعل كتير أسير كده ؟
ليه؟
ليش ما أقدر أكون زي ما أنا دايماً؟
ليش دايماً أحب أعقد في ذاتي؟
ليش ؟
ليش محتقظة بالكثيير من الأمور المؤلمة في داخلي؟
ليش ؟
ليش أحب أخلي كل شي درامي؟
ليش؟
ليش أحب البكا؟
ليش أستمتع بالحزن؟
أنا مجنونة!
معلومة صحيحة تماماً!
ليش ما أقدر أتكلم كتير عادة؟
ليش كتيير من الناس الي حواليني مايعرفوني مزبوط؟
لييش!!؟
ليش أنا خيالية؟
ليش أنا درامية بطريقة مو طبيعية؟
ليش أتكلم اصلاً؟
الحمد لله ,بس
غديـر : ڪملي أسمعڪْ / أقرأڪ
سندس : وليش أسكت أصلاً؟
ليش لازم أسوي حاجة؟
ليش ؟
ليش مانقدر على حاجات كتيرة؟
ليش المجتمع تافه كده؟
ليش؟
ليش!؟
ليش أبكي مع نفسي؟
ليش أغسل وجهي بعد ما أبكي؟
وأتظاهر ,إنو كلللللو تمام!
ماكنت ببكي أصلاً!
ليش دايماً كده؟
أهول كل حاجة؟
ليه؟
ليش أحياناً يكون نفسي أعيش مع نفسي وبس؟!
وأحياناً أتمنى أعيش مع الناس,لكن بطريقة مختلفة!
ليش؟
ليش كل ما أبكي ,أو غالباً .. أحاول أنام!
ليش!
ليش أكبت نفسي؟
ليش؟
النوم هروب من الواقع!
راحة مؤقتة باردة! أو حارة .. لايهم
ليش ممكن لو أحد اتكلم معايا دحين ,أتظاهر إني بأكبر إبتسامة؟
ليش سرت أخاف أنكد ع الناس دايماً؟
ليش سرت ما أحب أكتب أي حاجة فيها حزن أو ألم أو أي حاجة زي كده؟
يمكن عشان طفشت منها!
يمكن عشان أبغى أكون وحدة تانية!
يمكن عشان ما أبغى أنكد ع الناس برضوا!
أنكد على نفسي أحسن!!
ليش نرضى بأقل الحلول أحياناً؟
ليش مانكون معجزات!
ومانرضى غير بالكتيير!
أعرف صعب ,مستحييل!
لكن نقدر
ولو كان بمجرد التفكير صعب! ومستحيل تماماً
مافي حاجة مستحيلة
هوا الواحد كم مرة بيعيش!
حياة وحدة
يوم واحد!
كل يوم بنعيشو ,مابينعاد علينا مرة تانية
كل لحظة!
كل دقيقة!
كل كلمة!
كل حاجة ..
ليش مانستغل دنيتنا؟
ونعمل الي علينا مع كل الناس؟
حتى لو كانت أفعالنا أحياناً منافية لأي شي!
مجتمع كان أو شخص!
ليش ؟
ليش!
كيف بعض الناس يقدروا ينهوا كل حاجة ,بسررعة؟
لاء
ماعمرها تكون!
الأمور الطويلة تحتاج إلى نقاش طويل!
مهما كانت بلاغة الكلمات!
لا يمكن
على الأقل بالنسبة إليّ!
وإن بدوت راضية!
كالعادة ..
أتكلم بعيد بعيييد بعيد!
وألمح !
وأدور ,وألف
وأنا عارفة فين المشكلة!
وعارفة مين!
وليش
وليش برضوا!
لكن
بطبيعة الحال ..
أو كما أعتقد
مو كل أحد حيفهمني
وحتى لو أنفهمت
أخاف أجرح ..
أخاف!
أبغى أكون زي ما أنا ..
ليش المشاكل تفقدني صوابي؟
وتبعدني عن كوني أنا؟
ليش تحولني لأخرى؟
ربما هي أنا!
وأنا الأخرى , هي لست أنا!
لمن أقلك مجنونة!
الجنون قاتل!
رائع!
أعشقوا
لمن تنسدحي في نص الشارع!
وتقولي للي جمبك ,قولي أنا مجنونة!
تافه ,لكن جميل ..بجنون!
وكالعادة ..
حأصبر !
ربنا أكبر من كل الضمانات!
ربنا أكبر من كل الهموم!
الله أكبر كبيرا!
إحنا مجرد بشر مجانين!
تختلف طريقة جنوننا من واحد لواحد!
أعرف ..
بكل بساطة
حأبتسم!
وحأتكلم طبيعي
كأنو كل حاجة كويسة!
وكأنو كل أحد يعرفني!
وكأني مو مجنونة!
وكأني ,وكأني!
لكن في نفس الوقت
حأقدر أكون أنا بطريقة ما..
حأقدر !
"إن الله معنا ,ولن يضيعنا"
حأحاول ,كالعادة
وحأغلط كاالعااادة!
وحأتعلم من أخطائي إن شاء الله ,كالعادة
وحأحاول أكون أحسن كالعادة!
وحخبص ممكن!
وقد خبصت كتير!
مو كتير ,لكن جدداً
بطريقة مو طبيعية!
التخبيص زي الدراما عندي !
متلازمين!
جزء من كوني درامية ,إني أخبببص كتييير!
وجزء من كوني أخبص كتير ,كوني درامية!
وهكذا ..
ليش بعضنا يرضى ببعض أحلامه؟
ليش مانحققها كلها؟
أو أكتر منها؟
ليش مانتخطى الحدود؟
عادي!
إحنا بشر!
كلنا بشر
مين حيقلنا خطأ!
مين حيقلنا لا تسووا!
نقدر نعمل كل حاجة!
ونحطم كل التوقعات
ونتعذب!
وكمان نتعذب!
وبرضو نتعذب!
وممكن نموت!
لكن إسمنا كنا بنسوي حاجة
ع الأقل حاجة لنفسنا ,لو مو للناس!
المفروض مانستنى التغيير!
المفروض نسعى إليه!
والله إني أضحِك! xD
دايماً كدددده!
أكون فجأة حأموت ,ومرة كئئئيبة ,,ومرررة لااء
وأنسوني!
ودراما!
بس أحاول أنطنط في المواضيع
وأوصل لحاجة تخليني أكون غير داه المزاج!
داه يدخل في باب الدراما الأساسي ترى!
داه يدل إنو كلها محض خيالات!
أو نفسياً ,زي مابيقولوا
الدليل, إنو ببضع كلمات من نفس الشخص .. ومن حول نفس الموضوع!
أتغيييير كللللل شي!
داه أسميه الجنون السحري!!!
المجنون يقدر يكون في أي مزاج وفي أي وقت!
ويكون ,بطريقة فعلية!
مو بطريقة تمثيلية! , أو تهيوئية!
تقهرني الأمور الغلط!
أو ع الأقل الي إحنا نحس انها غلط! ونستنى أحد يغيرها
الإعتراض جزء من حل المشكلة!
الإعتراض ليس نوع من أنواع التذمر!
حتى لو كان تذمر!
أحسن من الصمت!
ايوا
كل حاجة أحسن من الصمت
الصمت بطال أحياناً!!
بطال !
جداً!
مشكلة الكلام ,حاجة وحدة
وللآن ماعرفت كيف أحلها
xD
كيف نقدر نوزن الكلام الخارج ,بحيث يناسب الكلام الداخل والكلام الداخل
والخارج مسبقاً ,والكلام الذي قد يخرج لاحقاً ,والكلام الذي قد يدخل لاحقاً؟
كيف يكون الكلام متوازن بطريقة غير نادمة؟
كيف يكون مناسب؟
ليش محيكون مناسب أصلاً؟
مين يحكم!
محد يحكم!
محد لوه الحق يحكم!
ونرجع لموضوع الناس الحساسين!
والنكد والجرح!
والحاجات ديييييييييي!
بأحاول أتخيل عالم بشري ,بدون أي كلمااات!
آوتش!
يا ناس! ,يجنن
رغم إنو لوه إيجابياتو ,لكن لوه سلبياتو كمان
قاعدة أبدية!
كل شي له إيجابياته وله سلبياته!
قاعدة أبدية منذ الأبد ,ولن تتتتتغييير!
ممكن لها إستثناءات ..
كل شي له إستثناءات!
نقدر نكون داه الإستثناء من بين كل البشر!
نقدر نكوووووون كل حاجة!
نقدر نكون لو رغبنا وآمّنا واتحملنا!
نقدر! صدقوني
مافي حاجة ممكن مانقدر عليها
عودة إلى التفاصيل الصغيرة ..
التفاصيل الصغيرة هي التي تصنع كل شيء!
كيف لي أن لا أهتم لها؟
انزعوا التفاصيل الصغيرة من كل شيء!
لن يتبقى هنالك أي شيء!
هذا هو الجميل في الجنون!
أن تطرح السؤال ,وتلقى الجواب ,من نفس الشخص!
في جنون سحري أكتر من كدددده؟
الأسئلة بتنطرح عادة جراء التفكير!
ومع التفكير يجي الجواب ,على ما أعتقد!
وهكذا .. يكون المصدر واحد!
عشان كده الإعتراض أول حل للمشكلة!
لأنو فيلوا جزء بسيط من التفكير!
فمع التفكير الأكتر! ,حنلاقي الحل
!!
وتستممممممر الحياة!
xD
إحم ,خلصت نوعاً ما
غديـر : ڪملي
أبغى خلصٺ وارٺحٺ دون " نوعا ما " !!
سندس : هوا أرتحت نوعاً ما!
لكن ماعمري حخلص!
لازم يكون في وقت ,أوقف نفسي فيه!!
xD
غديـر : طب ڪملي
=)
سندس : امم
الحمد لله! ,ترى من جد أتحمست فعللللياً
فكرررت في حاجات مرة فلة!
وأكتشفت حاجة فيا ..
غالباً يعني ..
البكا زي الجمرة الصغيرة الي تمسكيها في يدك
xD
تقعدي ضاغططة عليه!
ويزداااد الألم!
ويكون محتم عليكِ في مرحلة من المراحل تتخلصي منها!
وأول ماترميها تكون يدك مرررة توجعك!
وممكن لازم تاخدي وقت عشان تتخلصي من أثارها!
لكن!
حترتاحي جددداً!
مهما بلغ الألم بعد إطلاقها!
محيكون زي وهيا معاكي!
أنا البكا معايا زي كده تماااممماً!
أكتشفت اني لمن أمسك نفسي ,أمسك نفسي ما أبكي
أتحطم أحياناً زيادة!
xD
لكن لمّن أبكي!
خلاص
كلو يطيييير!
تتبخر الدموع!
تتمسح!
تروح مع بضعة مناديييييل!
تروح على يدي!
تروح وبس!!!
وأسير أحسن!
بمعنى الكلللمة!
غديـر : سندسة ، انٺي احڪي وأنا بخرج شوية ..
سندس : آوك xD
غديـر: لا ٺڪٺمي شيء
أرجع وأشوفڪ ٺاني
سندس: اوك ,ان شاء الله
غديـر : يلا حياٺي
اسٺودعٺڪ إياه
رجاعٺلڪ
وانٺي احڪي ها
سندس : آوك xD
امم ,فين كنا ؟
بعد ما أبكي!
من جد!
أسير متفائلة ومتحمسة زي مانتي شايفة!
وكل حاجة الحمد لله
داه يسموه "فلّلّة" !
يقلك!
في فن إسموا ,فن تخطي الأزمات!
وهو ,كما أعتقد
تخطي الأزمة بخسائر أقل ,و غنائم أكثر!
أو بدون خسائر حتى!
يقدر الإنسان يستغل كل حاجة في حياتو!
يستغلها بطريقة إيجابية ,أو بطريقة سلبية!
أو بالطريقتين أحياناً!
هع! ,دي تعجبني xP
يقلكم!
ليش "بالجمع" ما أدري xD
"لا تؤجل عمل اليوم إلى الغد"
من أبلغ الحكم على الإطلاق!
يمكن تطبيقها على كللل شيء!
يدخل فيها ,كل شي في وقتو حلو!
ويدخل في وقتها "الكبت الزائد يؤدي إلى الانفجار"
لو التزمنا بأعمالنا اليومية ..
ولم نؤجل شيئاً إلى الغد!
مهما كان بسيطاً ,تافهاً .. يجوز تأجيله!
ستكون أيامنا ..ياسلام!
صح
ليش أحياناً أفكر انو وقت الأزمات كل شي يتغير؟
ايش فرقت؟
من جد ,ايش فرقت؟
مافرقت أبداً!
فرقت شوية ,لكن باين إنها أزمة!
ماتتغير القيم الثابتة والمشاعر القوية بدي السهولة!
ولو اتغيرت! , فداه إنما دل ,يدل على عدم كفاءتها أو عدم صحتها
أو إننا نحتاج إلى إعادة تثبيت للقيم!
أو مراجعة للمشاعر!

**

كان هذا جزء من حواري مع الرائعة "غدير"!
> الحوار يتضمن شخصين أدري ,مشوا حالكم xD

امم ..

الكلام حاجة مهمة في الحياة ,لأنو نوعاً ما أكتر طريقة فعّالة للتواصل بيننا!

ولأنه من الممكن أحياناً أن يخرج القليل من آلامنا معه ..

فشكراً غدير ..

وشكراً لجميع أصدقائي ..

"ولا بد من شكوى إلى ذي مرؤةٍ**يواسيك أو يُسليك أو يتوجعُ!"

حدثْ في السابع من أكتوبر ,2009 ..